Ivan Croes ta cabesante di Colegio Ora Ubao y ta conta cu e proyecto di fundacion FEPA, cu den e caso aki a construi un escenario pa e muchanan na scol, mirando cu tin actividadnan na scol hopi biaha. Hopi biaha tin mester di un podium. Nan tin festival, fiestanan di pasco, presentacion di e muchanan.
Nan tabata den necesidad di haya uno.Na momento cu e fundacion a acerca Croes, den nomber di e muchanan y maestronan di scol, a bira sumamente contento pa loke ta e parti cu ta bay haya un stage, traha pa e studiantenan.Ta hopi bon di nan parti caminda cu e studiantenan a siña e curso di metsla y tambe a haya e oportunidad pa train na scol y a yuda e scol den e caso aki tambe.E cabesante a sinti su mes hopi satisfecho y contento.
E stage a keda hopi bunita mes y pa nan, como scol, na momento cu tin actividad, no mester huur stage.Tambe e cabesante a menciona, cu nan lo haci bon uzo di dje. Un scol mester di un podium. Ta trece e muchanan durante dia pa papia cu nan, sin lubida e actividadnan tambe. Den futuro tambe, si tin mas proyecto, Colegio Ora Ubao ta mas cu dispuesto pa sigui contribui na e fundacion.
Un contribucion valiosoRandolf Vrolijk ta presidente di Fundacion Enseñansa pa Aruba (FEPA) y e ta conta cu diahuebs atardi nan tabata na Colegio Ora Ubao na Tanki Leendert y a celebra entrega di un stage cu nan a traha pa e scol, unda cu tur alumno por haci uzo di dje.Aki nan por haci bingo, canto, baile, durante fiestanan di himno y bandera, etc. Den futuro e muchanan por hunga dam, desaroyando asina nan motoriek, nan desaroyo cognitivo durante dia cu nan ta na scol.
Antes e scol tabata paga hopi placa na stage. Awor aki FEPA a percura pa, mediante e curso di metsla, unda cu nan a entrega e prome 18 certificado na e personanan cu a slaag pa e curso basico di metsla cu a dura algun siman.A entrega diahuebs atardi e certificadonan y asina ey por a contribui grandemente na e scol cu un stage pa asina aki nan por yuda nan mes tambe cun’e.Intencion ta, pa traha cuater proyecto, pero esaki ta un di nan cu por wak awor aki. Tambe pa diasabra awo lo bay ripiti e curso aki.
Kendenan ta FEPAFundacion Enseñansa pa Aruba ta un fundacion cu a lanta na 2007 y a dedica basta aña na yuda hopi hende den nos comunidad, logra entre otro un MAVO Diploma of cursonan di Boekhouding. Tambe cursonan di Management.Den e ultimo tres añanan a cambia nan estilo. Nan a cuminsa duna “beroepsopleidingen” y esaki tabata un di nan. Aña pasa Gobierno a reconoce FEPA. Nan ta un instancia oficial di enseñansa.
A cuminsa cu un klas, awo dos, di PDG (Pedagogisch Didactisch Getuigschrift), cu personanan cu tin un WO of HBO y no tin un bekwaamheid pa duna les, ta bezig ta instrui nan.Durante esey a cuminsa cu diferente curso di lifecoach, toegepaste psychologie, human resources. Tambe lo bay sigui cu cursonan manera di Alfabetisacion. E noticia bon pa pueblo ta, cu pronto nan lo bay cuminsa cu MBO opleidingen, 1, 2 y 3 y posiblemente 4 tambe.
Esey ta pa personanan adulto. Manera cu tur hende sa, e fundacion ta dirigi riba hendenan adulto. Hendenan cu no a caba nan enseñansa, cu ta buscando un di dos, tres, cuater chens den bida y esey ta e doelgroep di FEPA.Ta purba pa yuda empodera e comunidad, atrabes di un miho educacion y estudio, unda cu ta logra meta y drecha calidad di bida. Asina kier bay awor aki como fundacion den tur bario na Aruba, unda cu ta bay organisa enseñansa informal, pero tambe formal.
