E studiantenan di Colegio EPI Horeca a haya nan resultado despues di a traha duro sea tres pa cuater aña, unda awe nan a termina e estudio. A cuminsa cu esunnan di ‘Apprenticeship Program’ (AP), despues AI y ultimo e studiantenan cu ta haya nan diploma di social Hospitality Management.
Gloria Vega, docente, a indica cu nan tabatin mas o menos cuarentiun graduado entre e programanan di AP, AI y Advance. Nan ta sumamente contento cu e resultado y a celebra cu e graduadonan. Diabierna awo nan ta ricibi nan diploma pa tur e añanan cu nan a pasa n’e scol.
P’e docentenan esaki ta un dispidido, pero cu alegria tambe. Esaki ta debi cu por mira cu e graduadonan a coy e rumbo di nan carera.
Esunnan cu ta den AP, normalmente ta bay e scol pa mehora nan mes ya cu nan ta traha caba. E studiantenan di AI ta continua cu nan carera den cushina y aki lo mira nan como chef. Incluso algun di nan ta scoge pa sigui y ta bay studia afo. Esunnan di Advance ta depende kico nan tin den nan plan, pero naturalmente sea nan ta bay Universidad di Aruba of ta bay afo.
Pa mas lesa TREMPAN.COM.
