Dia 1 di juni 2024 e temporada di horcan a cuminsa oficialmente. E prome luna a transcuri cu tur normalidad. Sinembargo, habriendo juli, ya caba a cuminsa nota mas disturbio di cual a bira horcan Beryl den fin di siman.
Beryl lo pasa algun meter shen meter leu for di Aruba, pa cual Crisis Management Office, representa pa Rino Hermans a splica un poco mas di kico ta e maneho cu CMO ta hiba. Hermans a cuminsa na bisa cu na comienso di aña a pronostica cu 85% mas activo pa e rayon di Atlantico y Caribe. Despues di hopi aña, ya cu e ultimo horcan categoria un tabata na juni 1939 y awendia tin uno categoria 4. Esaki tambe ta un indicacion di cu e cambio climatico tin su efecto riba esaki.
Hermans a sigui bisa anteriormente nan tabata monitor dos ola tropical cu a pasa bay sin laga mucho efecto atras pa nos isla. Despues e ola tropical aki a forma cual tambe nan a monitor. E pronostico inicial tabata cu e lo bay directamente riba Barbados, pasando un poco pabou di Cuba y pariba di Jamaica. Pero den 24ora, el a wobble, hala bay zuid. Esaki a haci cu Barbados no a sinti mucho efecto di dje. Sinembargo, el a bay directamente riba St. Vincent & The Grenadines y Grenada.
Loke ta hacie mas particular ta cu awendia den region Caribense tin e Caribbean Civil Protection Mechanism. Esaki ta haci cu no ta core saca niun anuncio sin cu a consulta cu e otro partnernan den Caribe, pa tin consistencia den informacion na pueblo Caribense. Esaki a haci cu e prome dia e comunicado tabata informa cu e calculo tabata di 530 km, den 24ora el a sali di tormenta tropical pa horcan categoria 4 pero tambe el a hala bin zuid, cual a pone n’un distancia di 280 pa 320 km nort di Aruba. Ta calcula cu e sistema lo pasa entre diamars mainta cu diamars atardi panort di Aruba.
Hermans a sigui bisa cu nan lo sigui monitor ya cu na Aruba nos ta custumbra cu e rabo y lo bay wak e humedad cu el a trece cu ne. Y asina lo por calcula cuanto awasero lo por spera na Aruba, si e rabo bin mas ariba. Hopi biaha e rabo ta join e horcan panort di Aruba y ta keda pabou di Aruba, sin cu e ta afecta nos isla. Pero awo ta demasiado prematuro pa determina cu si lo tin e efecto directo of indirecto di e sistema di Beryl.
For di 2018, tin un Orkaansbestrijdingsplan for di 2018, cu ta inclui Meteo y tur e partnernan. Desde 2023, tambe ta riba plataforma pa Reino Hulandes pa region Caribense, unda cu KNMI ta responsabel p’e BES eilanden. Unabes cu e sistema yega hopi cerca, pabou di Barbados, ta bay den un prome reunion pa studia kico ta e trayecto. Esey ta e motibo pa cual a CMO a indica cu e no tin un efecto directo pa Aruba, ya cu e ta keda hopi mas pariba den Caribe.
SI CMO ta cuminsa reuni 120 ora prome. Asina c’un sistema drenta Caribe y su trayecto ta pabou di Barbados, ta cuminsa cu e prome reunionnan. Ta bay automaticamente riba monitor y ta djey ta sigui update. Ley ta indica cu mester update cada 24ora, pero den e caso particular aki a hacie pa cada 12ora, di kico ta e status, considerando cu e tabata wobble hopi. Door cu e speed tabata 35km/h, si e tabata move slow, por a determina su trayecto. Hurricane center tabata tin problema pa pronostica su trayecto. Door cu e ta move lihe, su diameter ta mas compacto.
Pa fin di e siman aki, lo tin un otro sistema cu lo bay afecta e mesun ruta. Esaki no ta nada particular, ya cu na 2017, tabatin Irma, Maria y Jose cu ta tuma e mesun trayecto aki. Tanten cu e awa di lama Caribe ta keda cayente, esaki lo haci cu e horcannan lo sigui ‘feed’ nan mes.
