Durante e fin di siman cu a pasa, Club di Movemento a tene dos show cu yama “Season of Life” (Temporada di Bida), den Cas di Cultura.
Samantha Westera-Juppa, director artistico y fundado di Club di Movemento, a splica cu diasabra nan tabatin show 7:00 pm y diadomingo pa 4:00 pm. Segun Samantha, ta papia un tiki, expresando a traves di baile, situacion dificil cu ta bay den bida. Situacion alegre y feliz y cos tristo cu por pasa den bida cu nos.
Pa loke ta e presentacion, nan tin henter un aña, caminda 145 participante a prepara p’e. Segun Samantha nan tin ballet clasico, jazz contemporaneo, tap, acrobatic aerial arts y diferente otro estilo mas. Pa henter un aña nan tin seis maestro hunto cu dos assistent, ta traha diferente coreografia.
Durante e show tabatin 40 coreografia y actuacion, haciendo esaki hopi bunita.
Esaki ta un inspiracion p’e maestro tambe. E muchanan ta inspira e maestronan pa ta miho y nan ta inspira e alumnonan pa sigui cu e arte, pa sigui baila y expresa nan mes. Hopi biaha e muchanan no ta sigui nan carera como bailarin, pero ta siña hopi di arte, e disciplina, team work, con ta expresa nan mes. E maestronan ta bira hopi feliz y emociona ora mira e alumnonan baila.
Pa mas detaye lesa TREMPAN.
