Club di Dam Arowak ta organisa su campeonato habri di Dam Hubenil Aruba 2023. E campeonato lo ta hunga den dos categoria cu ta ocho te cu diestres aña y diescuater te cu diesnuebe.
E campeonato ta tuma dia 3 di december pa 2:00pm te cu 6:00pm. E ta tuma luga den Sun Plaza di cuater piso, local 401-L riba L.G. Smith Boulevard 160. Tur hubentud entre ocho te cu diesnuebe anja por participa. Tur mu cha cu kier participa mester meld na tempo, esta prome cu 2:00pm), na Sun Plaza. Participacion ta gratis.
Premiacion
Pa cada categoria tin un premio. Ta bay tin premio p’e campeon cu ta un trofeo y basket di Pasco, subcampeon trofeo, tercer luga un trofeo.
Tambe ta bay tin un extra basket di Pasco. E basket aki lo ta rifa entre tur e participantenan cu no a haya un basket.
Pa mas informacion por tuma contacto na 699-8245 of 593-6817. Club di Dam Arowak ta invita tur hende pa mira kendenan lo bira campeon di e campeonato Dam Hubenil Aruba 2023.
