Stichting Ambiente Feliz, un fundacion dedica na brinda cuido na personanan cu problema di mental of fisico severo, tabata en buskeda di sosten financiero pa por logra cumpra ekipo esencial pa mehora e calidad di cuido cu nan ta ofrece na su clientenan
Despues di participacion durante Aruba Doet, unda e representantenan di mercadeo di Aruba Bank a yuda activamente cu un proyecto di pintura na Stichting Ambiente Feliz, nan a haya un bista di e necesidadnan urgente cu e organisacion ta enfrenta. E bishita a duna e oportunidad pa mira e impacto cu e fundacion tin riba e bida di su clientenan.
Un di e desafionan cu e empleadonan ta enfrenta diariamente ta e carga fisico causa pa move e clientenan for di cama y stoel manualmente. Pa e motibo aki Aruba Bank ta pensa cu ta importante pa yuda Ambiente Feliz yega na un patiëntenlift conhuntamente cu un schaal digital.
E compra di un patiëntenlift y schaal digital no solamente lo alivia e carga fisico riba e empleadonan, sino tambe lo mehora di manera significante e cuido general cu ta ofrece na e clientenan.
