Por lo menos un ciudadano ta cuestiona y ta vocifera su malcontento relaciona cu sushi den bario. Ta den Weststraat, unda cu diabierna mainta a lanta dorna cu sushi den e dicho caya. Segun por a compronde, ta dilanti Weststraat 88; caminda cu pa hopi aña tin un cas bandona y ta birando hasta manera un mini dump. E sushi no a keda ey so, debi na biento fuerte, a pusha e saconan y hiba nan te den Spechstraat. E ciudadano, Alfredo Capelo ta sinti falta di presencia di City Inspector cual tabata mesun comentario cu Stichting Rancho tabatin no mucho tempo pasa. E tempo ey a vocifera cu; nos tin un City Inspector cu no ta visibel den e “city” mes. Di otro banda, tin cu menciona cu ultimo tempo a nota basta movecion di City Inspector. E forma corecto con pa notifica un keho ta via e aplicacion di Fixi. Ey bo ta laga bo informacion y hasta potret y na nan turno, City Inspector lo actua riba dje.
