Pocopoco tur e resultadonan ta drentando di e prome tempo (Eerste Tijdvak) di examen. Asina tambe diahuebs mainta, Mon Plaisir College MAVO a haci entrega di nan resultadonan. Mayra Snow, director di e scol a splica cu nan no tabatin un aña facil, como scol. Pero hunto nan a traha como un team p’asina tin un bon porcentahe di graduadonan.
E aña aki nan tabatin 67 alumno cu a bay examen, di cual 56 a slaag, bon pa 84%. Ainda tin 10 alumno cu a bay her-examen. Y nan ta sigur cu mayoria di nan lo bay logra.
Snow a enfatisa cu e exito na final di un aña escolar ta basa riba e triangulo di oro: Comunicacion entre alumno, mayor y scol. Trahando for di comienso hunto, ta sigura bo un fin di aña escolar exitoso. Y esey ta precisamente loke e scol a traha hopi riba dje e aña escolar aki y e resultado ta papia pa su mes.
E ta hopi orguyoso di su cuerpo di docente y di e resulado obteni.
