Recientemente WEB Aruba N.V. a publica un averahe di consumo di awa pa area na Aruba. Sigur tin algun cu a resalta. Den e ‘bracket’ a nota cu un di e areanan cu mas ta uza awa ta Noord, specificamente e area mas nort di nos isla. Aki por considera un area unda tin hopi hotel pero tambe casnan di huur. Ta papia di un consumo di 18.9 m3 . E parti cu ta consumi menos awa ta e parti mas pariba di nos isla, ta calcula e area di Cura Cabay bay mas pariba.
WEB constantemente ta informa e comunidad riba diferente topico, durante nan ultimo edicion di Pop Up News a enfoca riba e consumo. Ta calcula cu un famia di cuater ta uza un total di 14 mil liter di awa pa luna, cual ta 116 liter di awa pa dia pa cada persona.
Pa cada cinco minuut cu bo baña, bo ta gasta 50 liter di awa. Pa cada biaha cu flush, ta consumi ocho liter di awa. Tin ora, sin cu bo ta consciente. Riba e website di WEB, hasta tin un pagina cu bo por calcula bo uzo di awa, asina yama “Saca bo som.” Si tin un diferencia grandi entre bo recibo, e ora por bira rond na un lek den of rond di cas.
