Diasabra mainta, alrededor di 10:30 am a sosode un accidente den Oranjestraat, cerca di Zoutmanstraat. Aki ta caminda cu chauffeur di un Mitsubishi numera A-8335 riba su caminda di preferencia a topa cu sorpresa ora cu un ciclista a sali su dilanti for di verboden.
E chauffeur no por a haci mucho y a alcansa e ciclista kende ta un adicto ambulante. Debi na e impacto, el a ricibi un kap na su cabes. Pero no kier a warda pa ambulance y a sigui su caminda lagando su bais atras.
Polis di trafico a presenta p’asina documenta y registra e accidente aki.
