E no ta un piloto desconoci, ta consider’e un di e fuertenan den e categoria di master den karting. Christopher Arends t’un piloto prometedor. Manera semper, e ta biaha hunto cu su ruman-, tata y amigonan ora tin careda internacional.
Na varios ocasion a topa cu Christopher den e caredanan internacional. El a haci un tremendo papel durante dos dia di competencia riba e pista di Laguna Viva na Villaviciencio, Colombia. Nelson Speed Andrade a entrevist’e y el a comenta cu e ta luchando pa e top un biaha mas. E ta campeon na Aruba, na Corsou e falta un careda mas pa titula campeon tambe, pero ‘all in all’ un bon fin di siman p’e como piloto.
E parti di experencia ta locual mas ta pisa pa Arends. Na Colombia el a conta cu sosten di e team A&L kende a yud’e durante e fin di siman grandi aki. E no tabata tin e facil, mirando cu el a competi cu pilotonan cu a recien a gana den mundial na october ultimo. Asina mes cu el a haya un ‘flat tire’ durante careda, el a sigui lucha te na final. Claro, e ‘flat tire’ a perhudic’e mirando cu a perde henter un ‘heat’ y no tabatin mas paso pa train. Durante cada ‘heat’ ta importante pa saca mas fout posibel p’asina mehora cada seconde pa e parti final.
