Durante cu e tabata un parlamentario, Minister di Transporte, Chris Romero, el a papia riba dje varios biaha, e beneficionan sigur pa San Nicolas, etc. Minister Romero a splica cu nan ta basta leu den combersacionnan. E idea ta pa trec’e San Nicolas. Sa cu actualmente no tin desaroyo cu a sosode ultimo añanan den San Nicolas. Tin hopi plan pa San Nicolas. Tin proyectonan cu lo bay anuncia pronto, caminda sigur lo trece empleo pa San Nicolas, lo trece movecion den e area di San Nicolas. No solamente ta papia di Fast Ferry, ta bezig ta sondeando e plan, pa trece barconan crucero p’ariba. Tin pensa riba e mega yachtsnan pa trece nan ariba y registra yatenan na Aruba. Tin plannan concreto andando y den e proximo lunanan sigur ta bay anuncia esakinan, caminda cu pueblo di San Nicolas ta bay tin un bida hopi grandi eyriba.

Opinion riba refineria

Minister Romero a comenta cu semper a para tras di e refineria y esey no ta nada straño. E ta keda para tras di dje pasobra e ta trece beneficio cun’e. Sa cu awor aki el a slowdown, manera cu ta papiando eyfo y tin di bisa cu esaki ta bay tin su dudanan eyfo. Consecuencia pa pais Aruba, Romero no ta wak’e.

Pakico

Nos tin añanan cu e ta funcionando na e mesun manera caba. Gobierno anterior a celebra como tres biaha su apertura. Nan a bin cu klapchi, artista di afo. Romero mes a asisti, pasobra e ta contento pa e pueblo di San Nicolas, cu lo bay tin algo. Pero keto bay a keda mesun cos. No tin nada. Si e habri of cera, actualmente, no tin diferencia. Pesey mes, den su pensamento, Romero ta trahando na un manera cu e no tin e refineria den mente mes. E tin den su mente, pa bin cu cosnan nobo pa p’ariba y pesey tin proyectonan cu ta bay beneficia p’ariba.

Tereno

Mientras tanto cu no tin un acuerdo concreto cu Citgo, e waf cu ta den uzo, ta den nan poder legalmente. Riba esaki minister Romero a splica cu nan ta bezig cu nan caba. A haya parti di nan caba. Esey no ta bay ta un problema. Un compania no por stroba un desaroyo di un pais. Una bes cu pasa esey, si bay corte, ta gana semper. No por impedi pa un pais progresa. Eynan caba, Romero no ta mira un problema. Pero tin diferente area cu tin pensa. Por ehempel ex Esso Club, unda ta Nanki, eynan caba ta un bon luga pa desaroya y trece e barconan crucero. Por construi un pier bay zuid, schuins abao. Wak St. Maarten. Nan tin piernan grandi y e mesun tipo di lama.

Romero ta un persona cu a lanta den e area pa tira pisca. Awor aki ta bezig ta legalis’e tambe y por haci esey eynan, caminda cu no ta stroba nada y tambe por trece un desaroyo. Una bes cu pone un pier asina eyriba, tin hopi desaroyo cu lo tuma luga. E minister ta pronosticando cu pa aki dos pa tres aña lo tin desaroyonan grandi den San Nicolas.