Ya for di 6:30 am te cu 8:30, e chauffeurnan di bus a tene un walk-out p’asina demostra nan malcontento y tambe respondiendo na yamada di nan sindicato, cual ta SEPPA.
Sigur e walk-out ta afecta e usuarionan di bus. Ta dos ora di Walk-out e chauffeurnan a tene riba e prome dia di juli pa loke t’e situacion aki. Esaki no ta e prome biaha cu tabatin malcontento na Arubus. Ya caba ultimo den loke tabata e periodo di Gabinete Wever-Croes II, a mira mas accion tuma luga na Arubus y ta mira e resultado, cu keto bay e negociacionnan ta tranca, no ta dunando e compensacionnan adicional cu e chauffeurnan di Arubus ta exigiendo.
Ta algo cu ya caba pa varios biaha a wordo anuncia cu lo a tuma luga. Kisas esaki no ta cay pa sorpresa pa loke t’e usuarionan di Arubus. Tin alternativa cu autobus pa cierto rutanan. Tin mas dificil cu tin biaha Arubus ta core cierto rutanan cu e autobusnan no necesariamente ta core, poniendo un peso pisa afectando asina riba e infrrastructura di transporte publico di nos pais.
Te asina leu no a mira un cantidad di hende para manera e otro biahanan cu a anuncia riba un termino corto. E usuarionan probablemente lo a tene cuenta cu esaki y a busca alternativa, ya cu e chauffeurnan a pone trabao abao pa dos ora, p’a nan laga gerencia sinti y mira locual ta nan malcontento.
