Diadomingo mainta pa mas o menos 10:15 am a sosode un accidente den Dakota. Un auto pickup, color blanco, numera A-2986, a perde control y dal den cura di e cas situa na Scopapelstraat 2. No tabatin herido.
Na e sitio di accidente e chauffeur a conta cu na momento cu el a yega e birada, diripiente e stuurwiel a lock y no por a domin’e mas. El a perde control riba e stuur y asina e auto a bay dal den cura di cas di hende. E daño no tabata grandi, pero e famia si a pasa den un susto, net nan tabata pendiente di e wega di futbol di Hulanda.
Roadservice a yega na e sitio pa atende cu e daño y traha rapport pa e agencia di seguro.
