Algo pasa di 1or y 30 di marduga, polis di Noord a dirigi nan mes na He’s Supermarket na Monserat. Eybanda a sosode un accidente di auto. Patruya na yegada a topa cu un Chevrolet Spark color oranje mey mey di caminda. Polis a bay atende cu e chauffeur y e hoben manehador a conta polis cu e tabata bayendo direccion zuid y na dado momento el a hala na su man robes y dal den un Hyundai Getz blauw y un Kia Rio color blauw.
Despues a bandona e sitio y bin bek. Polis a pone e hoben supla, pero e no kier a copera. Polis a dune tres biaha chens pero el a burla di polis. A bay over detene e hoben pasobra e ta manehando auto bou influencia di alcohol. Ora di detene e hoben a cuminsa bira agresivo cu polis. Polis a bay man duro cune y mustre cu polis bo mester respeta. A pidi presencia di dogcatcher pa asina transporte pa warda di Shaba. Daño material ta minimo.
