Diasabra mainta pa 10:30am polisnan cu a bay tira control riba un auto di un compania, a bin descubri cu un di e trahadonan, manehando e vehiculo, no tin rijbewijs. E trahadonan di e compania tabata lastra boto y semper ta pasa tank mainta prome cu nan bay Palm Beach, unda nan operacion diario ta.
Pa nan mala suerte, dos unidad di brommer di polis pasando, a constata cu e pick-upnan ta den mal estado y tampoco tabatin plachi number cu ta mustra cu nan a paga belasting di aña. A bay controla nan pa duna nan boet. A bin constata cu un di e chauffeurnan no tin rijbewijs y riba dje, e seguro di e pick-up no tabata na ordo tampoco.
E doño a bini na e sitio pa duna cuenta na polis. Den e proceso, a duna nomber falso na autoridadnan, pa cual a tum’e masha na malo.
