Den oranan di marduga Polis a ser pidi pura na altura di De La Sallestraat banda di EPI. E drenta yamada cu un auto a bolter y dal den e cura di e scol.
Na yegada a topa un situacion basta fastioso. Hopi daño material. A topa e chauffeur cu no tabata herida.
El a scapa. Segun informacion na e sitio, e chauffeur a pega soño. Mirando e velocidad halto y pa motibo di baha caminda den un birada, a bay dal den e cura di e scol y kibra esaki. E auto a bolter tambe y finalmente keda di banda. Importante ta cu no tabata tin hende herida y tur cos a keda na daño material. E seguro kizas mester bay paga pa e cura. Takelwagen a wordo pidi pa move e auto for di e sitio.
