Diasabra marduga alrededor di 12:30 am a sosode un accidente rib’e caminda principal di Morgenster. E boksmento tabata entre un auto marca Toyota modelo Passo color preto, numera A-48487 y un brommer. Na sitio a compronde cu e Passo parce a bay pasa e motociclista net na momento cu el a lora na banda robes. Claro, e motociclista a bay suela mesora. Comosifuera poco, e chauffeur di e Passo a sigui core y no para pa responsabilisa su mes. E no a conta cu tabatin un grupo di brommer su tras kende a sigui su tras te Sero Patrishi.
Ey a logra par’e y atende fuerte cu ne. El a haya su mes ta core bay bek na sitio caminda el a dal e motociclista y lag’e atras. Na yegada di polis a nota mesora cu su comportacion tabata sospechoso. Despues di un test di alcohol, a resulta cu e tabata bou influencia di alcohol. Den un transporte policial a hib’e pa ward’i polis caminda a present’e dilanti un subfiscal kende lo dicidi sea riba su encarcelacion of libertad.
