Diasabra marduga den careda di 1:15 am, polis a presenta na altura di Tanki Leendert pa un accidente cu a tuma luga. Caminda chauffeur di un mini van color blanco numera A-28087 a dal contra un Celica color preto cu tabata staciona banda di caminda y sigui core dal contra un Hyundai cu tabata staciona poco mas pariba.
Chauffeur a keda deteni pa core bou influencia y ocasiona accidente. E Celica a keda cu bastante daño material. E chauffeur tabata casi no por a papia cu polis, e tabata bao influencia pisa di alcohol y no por a maneha su vehiculo.
No ta e prome chauffeur cu polis mester a bay cu ne, ta varios detencion a cay caba prome cu e caso aki riba diabierna anochi pa medio di core bao influencia y causa accidente.
![](https://24ora.com/wp-content/uploads/2023/12/CK9A4131-1920x1280.jpg)
![](https://24ora.com/wp-content/uploads/2023/12/CK9A4133-1920x1280.jpg)
![](https://24ora.com/wp-content/uploads/2023/12/CK9A4172-1920x1280.jpg)