Diahuebs anochi tabata tin charla di Prins Bernhard Fonds, relaciona cu e fondonan disponibel pa arte.
Pa e cantante/creativo local, Edjean Semeleer ta haya cu esaki ta super importante. E ta algo hopi necesario pa tin iniciativa, ya cu como persona creativo, cu semper e ta busca pa crece, pa yega na e fondonan pa haci e proyectonan un realidad.
Tin e ‘rijksfondsen’ disponibel, pero tin un drempel pa yega na e fondonan aki. Semeleer ta considera e iniciativa hopi importante, necesario, urgente pa nos creativonan local por adkiri mas conocemento y mas herment cu por yega mas facil na e fondonan aki.
Des Croes, miembro di directiva di Prins Bernhard Cultuurfonds y tambe vice-presidente di e Prins Bernhard Cultuurfonds a bisa cu hopi di esunnan presente tabata tin interes den entrega proyecto riba tereno di arte, cultura en general. Pero cada un tabata tin cierto idea of soñonan den cabes, pa cual nan kier aplica pa e fondonan.
Den e charla a splica kico ta e rol cu Prins Bernhard Cultuurfonds Caribisch gebied lo hunga den e proximo lunanan, cual ta di un sorto di intermediario pa e peticionario y e Rijksfonds di Hulanda. Ta trata di e fondonan di gobierno pa cultura.
Pa un relato mas amplio, lesa TREMPAN.
