Diabierna mainta corte a trata un caso di inmoralidad y na final riba e mesun dia hues a tuma un decision. A hay’e culpabel y a conden’e na un castigo di prizon di cinco aña.
Ministerio Publico a acusa Chapi Morales, di 39 aña y procedente di Ecuador, di a viola e mucha muhe menor di edad den e periodo di februari pa october di aña pasa. Y tambe a acus’e di a comete actonan di inmoralidad cu e menor aki, kende tabata keda fin di siman na su cas pa cuida di su yiunan.
E acusado a nenga tur e acusacionnan y a bisa cu si ta berdad e tabatin un “relacion amoroso” cu e menor di edad pero cu relacion sexual nunca a tuma luga. “Yo siempre la respete.” Y a bisa cu el a bis’e cu e ta bay spera te ora cu e cumpli 18 aña. Sinembargo combersacionnan di chat a mustra otro cos. Pero tambe cu e mucha muhe no tabata di acuerdo.
![](https://24ora.com/wp-content/uploads/2024/06/WhatsApp-Image-2024-06-07-at-8.09.46-PM.jpeg)
Solamente e mama di e menor tabata presente den sala y a bisa den su chens pa hiba palabra “mi kier husticia pa mi yiu, mi no kier pa e homber ey yega cerca nos nunca mas y mi no kier ningun compensacion. Niun placa por kita e dolor cu nos ta sinti pa loke cu a pasa”.
Fiscal a pidi seis aña y hues a impone un castigo di cinco aña.
![](https://24ora.com/wp-content/uploads/2024/06/WhatsApp-Image-2024-06-07-at-8.08.57-PM.jpeg)
Pa relato amplio, lesa TREMPAN.