Den fin di siman Chaco Taekwondo Academy den presencia di algun faha preto a lansa nan emblema nobo.
E emblema nobo a ta un diseño di Master Melvin Rasmijn, Master Miguel Genser y Master Yoshmar Wever y a aproba pa Grand Master Chaco Cornelio. Master Melvin Rasmijn a splica mas tocante di e emblema y e nificacion.
Grand Master Chaco Cornelio a pasa e scol di Taekwondo pa Master Melvin Rasmijn, Master Miguel Genser y Master Yoshmar Wever y awo Noord Taekwondo Center a bira Chaco Taekwondo Academy.
Cu e nomber y emblema nobo, Chaco Taekwondo Academy a bira e scol di Taekwondo mas grandi di Aruba.
Lesnan di Taekwondo ta wordo duna na Scol Basico Kudawecha y tin varios faha preto ta yuda guia e atletanan chikito cu ta train dialuna, diaranson y diabierna for di 5:30 te cu 6:10 di atardi. Hoben te cu adulto ta train for di 6:10pm te cu 7:30pm.
