Manera semper, 24ora.com ta e prome den noticia y tambe e prome pa presenta locual ta mas nobo riba mercado na Aruba. Awo a toca turno pa Stern GM lansa e Generacion nobo di Chevrolet Captiva aki na Aruba.
E Chevrolet Captiva no ta un modelo desconoci. E generacion anterior a wordo bon bendi y tabata hopi gusta pa su diseño y comfort. Cu e Generacion aki di e Chevrolet Captiva 2022 por conta cu e ta un crossover SUV mucho mas versatile, economico, eficiente i cu espacio pa henter famia. Su lineanan di diseño exterior ta imponente y su interior ta amplio y e diseño di e control panel ta uno moderno y practico.
E Chevrolet Captiva 2022 ta bini den 3 version: LT5 cu espacio pa 5 pasahero y versionan LT7 y Premier cu tin espacio pa 7 pasahero.
Awendia connectividad ta essencial y e Chevrolet Captiva ta equipa cu un digital touchscreen di 10.4 inch cu Smartphone Integration y 5 USB ports standard.
Seguridad di bo y bo famia ta na prome lugar y e Chevrolet Captiva ta bin equipa cu rear view camera, front & rear parking sensors, front y curtain airbags, Anti-theft alarm system, tire pressure monitoring system, ABS y EBD Braking system, Stabilitrak, keyless remote entry system y mucho mas.
Chevrolet Captiva – Generacion nobo – ta conta cu un motor eficiente di 1.5 L Turbo DOHC MPI di 149 hp, un transmission CVT cu AutoHold – cu ta un systema cu activa bo auto su brake di manera automatico na momento di start y ora e auto jega full stop pa evita cu e auto ta move bai dilanti of patras vooral ora tin inclinacion. E Sistema ta deactiva na momento bo duna gasoline.
Eficiente, espacioso, seguridad, comfortable, moderno, economico, tur ta discribi sigur un crossover SUV cu bale la pena.
Pa mas informacion over di e modelo aki of pa reserva esun di bo, por pasa libremente na showroom of comunica cu team di benta na 582 3838.
