A ricibi informacion na nos mesa di redaccion cu e number di Alarm Centrale 911 ta fo’i servicio. Ta p’e motibo aki mes ta haci un apelacion na henter comunidad si tin cualkier eventualidad of suceso, por tuma contacto cu Cuerpo Policial na number 100.
Mesora lo atende cu e publico via e number aki. Na momento cu e number bin den servicio bek, lo pone comunidad na Aruba na altura.
No ta prome biaha cu tin problema cu e liña di telefon. Te aworaki SETAR ta haciendo su maximo esfuerso pa por soluciona esaki, pasobra ta hopi fastioso cu e number no ta den servicio. Mester corda tambe cu 911 no solamente ta cay pa Cuerpo Policial, pero tambe ta duna servicio na Brandweer como tambe Ambulance.
Nos ta keda pendiente pa cualkier desaroyo cu esaki por trece.
