Diabierna tabata e dia cu a lansa e Elevate Signature Drink. Tin un loyalty program cu yama Elevate. Cu e nomber aki kier eleva e experiencia di e huespednan. E aña aki The Ritz Carlton ta cumpliendo 10 aña y pa marca e fecha special aki, a puntra kico por haci special.
A bisa e ora cu lo lansa un Signature Drink cu e nomber Elevate, pa ora cu tur hende bin casino, nan por experencia “the new taste of luxury.” E ta un bebida cu solamente ta haya na The Casino na The Ritz Carlton Aruba.
Segun Joana Maya, Casino Marketing Manager na The Ritz Carlton Aruba, e bebida aki a bira nan signature drink. A lans’e diabierna p’e miembronan di prensa pero entrante diasabra, e ta disponibel pa tur nan huespednan.
DI DIES ANIVERSARIO
E aña aki, dia 22 di november, The Ritz Carlton Aruba ta cumpliendo su di dies aña y tin hopi promocion y hopi evento special na caminda. E lansamento di nan Elevate Drink ta un di nan actividadnan special. Tambe nan tin nan campaña di dies aña cu yama “Ten Year 100,000 cash giveaway.”
Nan prome sorteo lot a dia 20 di october. E siguiente lo ta dia 27 y na november tin dos sorteo mas, unda tur hende por gana premio cash. Si bo kier bin pa e Luxury Experience pa sinti bo manera un VIP pa gana premio cash y gewoon pa e experiencia, pasa na The Casino @ The Ritz Carlton Aruba.
CON A YEGA NA E BEBIDA
Jaromir Petronilia, Casino Shift Manager na The Ritz Carlton Aruba, a splica cu e concepto di Elevate Loyalty Drink ta door cu e hotel ta cumpliendo nan di 10 aniversario dia 22 di november, a bin cu un campaña di dies aña di celebracion.
Aki a pensa dicon no agrega un “special touch”, cual ta Elevate Special Drink, caminda cu tur e huespednan cu ta drenta e casino, por disfruta un bebida cu un toke special, mirando cu The Casino, como un casino luhoso, ta para p’e. E toke special cu, como huesped por relaha den e casino y dal un cocktail, special bon balansa.
Petronilia ta sigui splica cu e idea a bin ora cu a dicidi cu ta bay lansa Elevate Drink y envolve e dama y cabayeronan den esaki, cu ta experto den e ramo di mixology. Ken miho pa envolvi den e proceso. E nuebe servernan di e casino a bin cu nan creacion y cocktail y hunto cu e diferente stakeholdernan di e casino, pero tambe di e hotel, entre otro e Hotel General Manager y e Director di e Casino, a taste blind y a scoge esun di Marjolein Tromp, como esun ganado.
E bebida aki ta un cocktail cu un base di gin. E tin tangerine gin, triple sec y pa balansa esey, tin varios sabor entre otro strawberry, raspberry, como tambe lime juice y ta pone un garnish di blue berries.
INVITACION PA BIN DISFRUTA DI E ELEVATE DRINK
Cuminsando for di diabierna, 20 di october, tin e Elevate Loyalty Drink den e casino. Por puntra cualkier di e waiternan y nan lo ofrece esey na e huespednan.
Tin varios promocion durante e temporada aki, segun Petronilia. Nan slotmachine entre otro luna pasa, a paga mas di 700 mil dollar na premio. Esey ta 1.2 miyon na jackpot y e luna aki caba a pasa 600 mil. The Casino ta paga. Tin awo tambe e Elevate Drink cu ta un extra na dje y e servicio cu hopi hende ta conoci cu ne na The Casino @ The Ritz Carlton Aruba.
