Na Hilton Aruba Caribbean Resort & Casino, un estadia bunita ta cuminsa cu espacio fresco y confortabel, bao e estimado guia di e resort su departamento di Housekeeping. E team dedica aki ta traha incansablemente pa percura cu cada dia ta yena cu entusiasmo y bon ambiente, sigurando cu e bishitante su experiencia ta consistentemente excepcional.
Cada aña durante e siman di celebracion aki, un programa detaya di actividad, interno manera tambe externo, ta keda compila cu e meta pa mustra aprecio na e contribucion di e departamento resultando den operacion suave di e hotel.
E actividadnan ta diseña pa entretene, premia y reconoce e empleadonan di housekeeping pa nan tremendo trabao, incluyendo toke diario di aprecio cuminsando na dialuna cu un desayuno mainta trempan, culminando cu un happy hour di tres ora riba diabierna den un Bus Party. Durante e siman e empleadonan a disfruta di cupcakes, bingo, pizza y ijscream, den gratitud pa standard halto di limpiesa y mantencion cual nan semper sa di resalta, den mantencion di e cambernan y espacio publico.
International Housekeeping Week, IEHA, ta celebra mundialmente desde 1981, butando un siman na banda pa enfoca tur atencion y reconocemento na e profesionalnan aki di mantencion cu ta traha den hotel, resorts y otro facilidadnan publico, manteniendo un ambiente as limpi, safe y saludabel pa un y tur, dia aden y dia afo. Danki pa boso trabao y compromiso, Bibi Rampersuad, Director di Housekeeping ta expresa, y un danki pa yuda haci e estadianan na e resort mas memorabel tambe ainda pa e bishitantenan.
International Housekeepers Week recientemente a keda batisa pa International Housekeepers & Environmental Services Week, reconociendo e esfuersonan di miembronan di staff diligente y generalmente custodial.
