Tony Geerman presidente di CCA (Contratistanan Chikito di Aruba) a reuni cu Marlon Croes, director di DOW, despues di un manifestacion/protesta di parti di e trahadonan di contratistanan chikito. El a splica cu sin e manifestacion no a logra loke nan a logra. Tur hende lo bay ricibi nan salario manera mester ta.
Si no yega na un areglo lo retene parti di nan salario pero no completo, esta. Ta miho cu pone un beslag riba nan salario.
Tambe ta bay haya nan dos ora di pago cu nan ta manifesta. Ta nan derecho fundamental.
Tambe a logra pa stop di intimida e trahadonan atraves di nan supervisornan. E trahadonan no solamente ta cara di DOW, pero di pais Aruba.
Sin nan Aruba ta sushi. Nan tambe ta contribui na nos economia, door di mantene e isla limpi y bunita.
Geerman lo para contra e abuso cu tin riba e pais aki.
Un rato prome e trahadonan a presenta na DOW pa asina vocifera nan malcontento y nan preocupacion riba e situacion ya menciona.
Mientras tanto CCA a sa di bin cu un manifiesto di dies punto cu nan a entrega na e director di DOW pa atende cu nan, cu e resultado ya conoci.
Pa mas detaye lesa matutino TREMPAN.
