Diasabra den oranan di mainta polis a presenta na un cas na Zeewijk, na altura di e santana. A bin topa cu un auto cu ta procedente di joyriding. Algun ora despues, alrededor di 2:30 pm algun hoben na pia, a nota vlam grandi ta sali for di e mesun cas cerca di e santana.
Mesora a bati alarma na polis. Brandweer tambe a presenta cu urgencia na e cas pa combati e candela aki. Ta sospecha cu ta trata di un caso di crimen. A notifica tambe e team forensico di polis p’asina saca potret pa yuda cu e parti investigativo. Den un rato di ora e bomberonan a logra combati e candela aki.
