Manera Semper partido di Pueblo Arubano AVP a anuncia, den luna di September awor lo cuminsa yuda yena formularionan riba entradanan pa belasting. Manera tur aña lo duna e servicio aki na Cas di Partido Playa.
E fechanan cu lo duna asistencia na Cas di Partido ta: dianan 19 y 26 di september, 3, 10, 17, 24, y 31 di october, 7, 14, 21 y 28 di November. E orario ta entre 7:00pm pa 9:00pm.
Riba tur e anochinan aki lo tin un grupo di experto pa yuda yena e formularionan. Di e forma ey, mescos cu tur aña, ta bini cla lihe y por yuda hopi hende.
Ta corda tur hende pa bini prepara cu tur documento necesario. Esaki ta e documentonan cu por tin mester di dje:
Resumen di bo entradanan den e aña 2022. Bo por haya esaki di bo doño di trabou of e compania unda bo ta traha. Si bo ta un pensionado bo ta haya esaki di SvB of di APFA;
Un resumen of comprobante di tur otro entrada cu bo a haya na 2022;
E comprobante di e interes cu bo a paga na banco riba credit card of riba fiansa cu bo tabata paga na 2022
Comprobante di tur gasto adicional pa cuido medico di bo of un familiar cu ta depende di bo;
Comprobante di gastonan haci pa estudio di bo mes of un familiar cu ta depende di bo.
Comprobante di gastonan cu bo a haci pa cuido di un familiar cerca.
Comprobante di otro gastonan iregular of inusual cu bo mester a haci na aña 2022.
Formulario pa yega e entrada pa belasting cu bo a haya na cas;
Por fabor trece tur esakinan ora bo bin pa yena e formulario di belasting serca nos y bini cla lihe.
