Dia 11 di maart proximo lo bay tuma luga un evento na Caracas, Venezuela. E ta titula ‘Las 100 protagonistas’. E ta un evento organisa p’e Gobierno di Hulanda, embahada di Hulanda na Venezuela hunto cu Sinfonica Gran Mariscal de Ayacucho y presenta den e amfitheater Concha Acustica Colinas de Bello Monte.
Den e evento aki, e conocido percusionista Carlos Bislip ta participando como invitado internacional, unda cu e lo compaña Prisca Davila, pianista y cantante, Andrea Ludovic y Katherine Coll cu lo representa musica electronica.
CON EL A CUMINSA
E ta conta cu un dia e tabata sinta na su cas, unda cu el a haya un Whatsapp for di un persona cu ta trahando na Buitenlandse Betrekkingen, fo’i aña pasa. A bisa Bislip cu na september lo bay tin un concierto y cierto persona di Embahada di Hulanda na Caracas lo a tuma contacto cu ne.
Bislip, hunto cu Ivan Quandus y Angelo Kock, a bay toca den un concierto di jazz cu a organisa eynan.
Despues di esey a tuma contacto cu Bislip, cu e comentario cu nan a gusta su repertorio. A informe cu nan lo kier p’e ta presente den un concierto hopi importante na maart, p’asina demostra diferente cultura den Reino Hulandes.
A informe tambe p’e sinfonica toca tres obra di Bislip, pero den un orchestra setting. Bislip a bay di acuerdo y a busca un areglista pa haci e areglo di su tres canticanan den un obra musical.
Pa mas detaye lesa TREMPAN.
