Na momento cu un cliente yega na Caribbean Drip Irrigation, nan t’ey pa asisti bo. Y nan tin un surtido amplio di mata cu nan a haya nobo. Na Aruba hende ta stima pa tin nan hardin, nan cura nechi y yen di mata. Y Caribbean Drip Irrigation situa den Nijhoffstraat 12 tin tur loke bo tin mester.
Y awo pa fin di aña bo por ta completo. Diaranson e cargamento a yega y ya caba diabierna tur cos tabata den nan pochi. Y e prijs, no ta di conta mes. Bo ta bin cu 100 florin por ehempel bay cu 10 mata na 10 florin, pa asina drecha bo hardin y laga bo cas of negoshi keda luci. Tin hopi mata bunita na bon prijs.
Pueblo di Aruba ta invita pa bin tira un bista y kico tur Caribbean Drip Irrigation tin pa bo. Ta un bista sumamente bunita y fresco ora cu bo cana den e hofi situa den Nijhoffstraat 12, caminda bo ta bon bini pa bin scoge bo mata. Ya for di 7:00 am bo por yega na Caribbean Drip Irrigation te cu 6:00 pm pa asina bo por scoge bo mata preferi.
Eynan tambe e personal atento lo t’ey pa ricibi y atende bo, dunando bo e guia di tur loke ta e matanan cu abo como cliente, ta desea pa cumpra.
Y special pa e clientenan cu tin cierto limitacion, no ta problema tampoco. Nan tin nan espacio den nan porta. Abo como yiu por trece bo mayornan trankil bin cumpra nan mata. Nan tin nan espacio pa parkeer, un luga special pa esunnan cu tin problema pa move.
Invitacion ta keda na tur amante di mata y Aruba completo pa bin disfruta y busca nan mata preferi na un bon prijs na Caribbean Drip Irrigation, situa den Nijhoffstraat 12 na San Nicolas. Pa mas informacion por yama nan tambe na 5821230, fax 5823382 of tambe por manda nan un e-mail na [email protected].
