Isaias capitulo 3 vers 9 ta bisa; E expresion riba nan cara ta testigua contra nan.
Nan ta proclama pica manera Sodoma, nan no ta sconde.
Ay di nan pasobra nan a trece maldad riba nan mes.
E asunto di husto ta paga pa pecador no ta para scirbi den bijbel, locual si tin para scirbi ta:
No gaña boso mes, Dios no ta laga ningun hende haci bofon di djE, pasobra loke un hende sembra esaki tambe lo e cosecha.
Romanonan capttulo vers 12:5 ta bisa: Ma pa motibo di bo capricho y bo curazon cu no ta arepenti, bo ta montona furia pa bo mes de e dia di furia y revelacion di e huicio husto di Dios. Kende lo paga kada ken segun su obranan.
A yega tempo pa den cada cas di famia, lanta e Codigo Corra contra maldad, inmoralidad, capricho y inhusticia. Pasobra nos hobennan mester ta na altura pa no participa den ningun clase di bagamunderia y no wordo ciega pa material
No ta pornada ta para scirbi den Mateo tocante e maishi y e yerba shimaron, pa hende tene cuenta, cu e enemigo a sembra yerba shimaron mey mey di maishi.
Y na kico bo ta conoce e yerba shimaron?
Na prome lugar Engañoso, Rebelde,,Inmoral, Sin temor di Dios, Hacidor di Bofon di e palabra di Dios, Orguyoso, arogante y mas cu tur cos domina pa e malbado.(Galationan 5 vers 19-21).
Pero tambe e palabra di Dios ta bisa cu huicio di Dios lo ta riba tur esnan cu ta coopera cu inmoralidad ( Mateo 13 vers 41+42),
Kico mester haci como mayor den e tempo aki:
Instrui bo yuinan den e caminda di Dios, demostra cu bo mes bida cu ta Señor bo ta sirbi.
Haci oracion constantemente den bo cas pidiendo proteccion pa bo Famia pasobra aire ta yena cu maldad.
Pordona otro mescos cu Dios a pordona boso y no kere den tur cos cu ta mustra bunita.
Wak den ki tipo di amistad y entretenimiento bo yiunan ta particpa.
Biba mas sera cu bo yuinan posibel, pa asina tin algo cu no ta bon, bo ta na tempo.
Siña bo yuinan haci oracion pa nan mes y pa bo, pasobra esey lo yuda boso den tur cos.
Pone tur duresa di curazon un banda y busca arepentimento.
No chansa cu pica, pasobra pa motibo di duresa di curazon, spiritonan impuro y deseo bergonsoso, lo drenta y domina bida.( Romanonan 1 vers 24).
Tene cuenta cu den e ultimo temponan hopi lo cay for di Fe y door di paga atencion na spiritonan engañoso y doctrina di demoño ( 1 Timoteo 4 vers 1).
Duresa di curazon ta pone hende kere den felicidad falso, y rechasa e unico y berdadero Dios, cambia palabra, pensando cu asina por bira importante, pero nada di esey no ta wordo aproba pa Dios, pasobra hende curazon duro ta bira enemigo di Dios.
Pesey laga nos esforsa mientras cu tin tempo ainda, y no solamente scucha pero tambe bira hacidor di e palabra , pasobra si nos scucha so sin tuma ningun decision den bida ta tempo perdi.
A bira tempo pa cada un di nos tin Cristo Hesus na prome lugar den nos bida, cas y nos famia, pasobra hunto cu Cristo y den Cristo nos tin tur cos, lew for di Cristo nos no por nada. (Juan Capitulo15).
No ta tempo pa haci curazon duro, si bo scucha Su bos awe habri bo curazon.
Sinceramente, Pastor Marcel Balootje.
