Na Corsou den oranan trempan di mainta a detene un grupo di persona indocumenta mas un cantidad no specifica di droga.
Dos metal shark di Wardacosta a drenta waf di Corsou, despues di a recoge algun persona y droga for di e barco MS Groningen, cu ta patruya den awanan di Caribe.
A tuma for di e barco Groningen un total di seis persona mas un cantidad di droga. No a specifica mesora e cantidad di droga. Pero por a mira den e transporte varios bulto y a transporta esakinan den dos vehiculo, un Van y un pickup.
Wardacosta a baha e hendenan y droga y a bolbe subi lama, probablemente pa lastra y trece tera e boto riba cual a confisca e mercancia.
