E testnan pa Coronavirus a continua y pa di 6 dia consecutivo no tin casonan nobo. DVG a test 1626 persona di cual 1526 ta negativo. Aruba ta conta keto bay cu 100 caso positivo y 25 di nan ta activo.
E cantidad di caso recupera ta 73 y 2 morto. Diadomingo ultimo e casonan di cuarentena tabata 58 y awo esaki a baha na 37, indicando cu 21 hende a sali di esaki. Hospitalisa tin 4 pashent di cual 2 ta den cuido intensivo y 2 riba piso. “Ta desea tur 25 pashent pronta recuperacion. Danki na Dios nos ta bayendo miho y danki na e disciplina cu nos a demostra como pais.” Aruba a conoce simannan dificil, dianan largo, pero poco poco ta mirando un luz na horizonte.
![](https://24ora.com/wp-content/uploads/2020/04/WhatsApp-Image-2020-04-27-at-2.15.21-PM.jpeg)