Despues cu pa algun siman, Aruba a conoce aumento drastico den e casonan di contagio di Covid-19, surpasando mil caso, awo por mira cu e casonan poco poco ta cuminsa baha.
Segun resumen di awe 70 persona a recupera y un total di 47 caso nobo di COVID-19 a keda registra cual 6 ta turista y 41 ta residente. E cifranan aki ta representa un ‘Positivity rate’ bou di nos residentenan di 22%. Cantidad di casonan activo di COVID-19 pa awe ta 732 y cantidad di fayecidonan relaciona cu COVID-19 a aumenta na 128 cu fayecimento di dos residente di edad mayor, ambos lamentablemente no a vacuna. Forsa na famia di fayecidonan.
Dato di COVID ta ilustra casonan nobo cu un averahe semanal di 91 caso pa dia y un averahe di ‘positivity rate’ semanal di 25% pa dia.
Actualmente tin 63 persona interna cu COVID di cual 11 ta den ICU na Aruba, 15 den ICU na Colombia y 37 riba piso general na Aruba.
