Diamars atardi alrededor di 3:10 pm polis y brandweer a presenta cu urgencia den e area di Shete cu Urataka, pa ta exacto; La Gabena. Ey ta caminda cu huma tabata bolter. Na yegada di brandweer a topa cu varios obheto y auto bieu na candela.
A bay di biaha den accion pa por combati e candela aki. Un unidad di bombero no tabata suficiente, pa cual a pidi refuerso pa mas unidad presenta y yuda nan combati e candela aki. For di leu por a mira huma preto ta bay area.
La Gabena ta keda cerca di Parke Nacional Arikok. Despues di basta rato a logra paga e candela aki. Varios habitante di e area tabata preocupa mirando cu holo stinki di candela tabata penetra nan hogar.
