Campeones Cantina & Tequila Bar situa den Aruba Mariott Resort, e siman aki ta den celebracion den cuadro di nan prome aniversario.
Tessa Trejo, Marketing Executive na Aruba Marriott Resort a indica cu nan prome aña a bay hopi bon. E aceptacion tanto di e localnan como di e turistanan tabata grandi. Campeones tin diferente plato cu nan por ofrece tanto n’e turista como n’e local, pero ta depende di e gusto di cada persona.
Pero si e por bisa cu como aperitivo, e guacamole semper ta keda un clasico y un gran faborito. Pero no por laga afo e beef quesa tacos tambe ta un faborito cerca e clientenan.
EXPECTATIVA
Pa loke ta 2024, Trejo a bisa cu nan ta mira un crecemento hopi grandi pa Campeones, unda cu nan lo sigui innova den e cultura Mexico, tanto den nan cuminda como den nan bebida. Nan a trece un concepto unico na Aruba, un concepto cu ora bo drenta e luga bo ta sinti bo na Mexico.
BANDA
Tessa a sigui bisa cu den caso di un celebracion na Campeones Cantina & Tequila Bar y e famia ta desea pa e banda t’ey, esaki ta posibel. Pa cualkier informacion, por subi nan pagina di Facebook of por tuma contacto cu nan via e hotel y cu mucho gusto nan t’ey pa acomoda e cliente.
Campeones ta habri p’e pueblo di Aruba y e localnan ainda ta ricibi 15% di descuento. E ta un luga hopi familiar y nan ta cla pa sirbi nan clientela.
Natassja Moya, Chef Ehecutivo di Aruba Marriott Resort a bisa cu nan ta traha den ekipo. Hunto nan ta delibera riba e mescla e sabornan pa e cuminda. El a subraya cu nan ta importa e ingredientenan directamente for di Mexico y traha cu e productonan aki, pa duna e cliente e sabor unicamente Mexicano. Nan ta prepara nan cumindanan basa riba loke e cliente ta desea.
Nan ta celebrando nan prome aniversario. Tabata un aña yena di cosnan nobo, hopi innovacion. Nan lo update nan menu, incluyendo e jalapeño poppers como tambe e Bacon Shrimp Guacamole.
Ya caba na Campeones ta trahando pa e di dos trimester di 2024 lansa un menu nobo, pero sigur bin bek cu e platonan cu ta icono di e restaurant., manera Fish Tacos, Beef Quesa Tacos, cual ta platonan hopi gusta, pero tambe lo bin cu ideanan nobo. Tambe riba e menu di dessert, sigur e cliente lo wak innovacion, dessert nobo cu ta dirigi riba e mercado local.
Ta importante pa e comunidad local tambe por disfruta di e restaurant aki, cu manera bo drent’e, bo ta sinti bo mes na Mexico, pa locual ta e ambiente y e decoracion. Sigur un invitacion n’e pueblo di Aruba, pa bin disfruta di un dushi cuminda na Campeones Cantina & Tequila Bar y mas cu claro, nan ta cla pa yuda bo den disfruta bo cumpleaños cerca nan.
