Campeonato HEINEKEN di Aruba Softball Bond dedica na dos baluarte Sra. Bertha Wolf Croes y Eugenio “Tan” Helder a continua riba veld di Dragon Hitters na Baracadera. Den categoría di A- Klas e equipo Logros ta keda impreciona derotando Predators cu score di 9-2.
Juan Chirino un bes mas ta bay e ruta completo pa pone e victoria riba su nomber mientras Enmanuel Cruz ta bay cas cu e derota. Logros 9 careda, 10 hit, 0 error. Predators 2 careda, 6 hit, 4 error. Mihor bateadornan pa Logros a resulta Manuel Salcado 2-2, Milciades German 1-1, Edgar Batista di 2- 1. Pa Predators a destaca na plato Enmanuel Cruz, Juan Sosa y Nigel St Jago tur a bay di 1-1.Weganan di campeonato 2017 ta continuando a toda maquina y durante weekend tanto na Dragon Hitters y na Pos Chiquito lo bay tin weganan valido pa cu campeonato.
