E cambio di ley aki tabata tin su efectonan positivo. Awor aki por bisa cu hopi hende cu tabata tin añanan cu cada biaha tabata cambia plachi, djis yega paga, pasobra nan no a paga e otro. Segun Gomez-Pieters, por a mira cu e tabata tin su efecto, ora cu mi ta entrada den su totalidad. Tambe ainda e disciplina pa bin na tempo, pa atende cu e debernan di impuesto na tempo, ta keda un punto di atencion, algo cu ta keda pone enfasis riba dje. A ripara toch cu e clientenan ta warda te delaster un momento pa haci pago of transaccionnan cerca departamento di Impuesto y ta causa e ora toch un termino un tiki mas largo cu nan tin cu warda den rij y lo por trece frustracion tambe cun’e. Ta keda pone enfasis riba e aspecto aki pa bin na tempo, evita na final e rijnan largo cu tin. Paga online, mas tanto cu ta posibel. Por ta importante pa menciona cu ta bezig cu e banconan na Aruba, caminda cu a sinta na mesa cu nan, splicanan tambe e dolor cu nan tin ora di traha riba e transaccionnan di banco y a yega na hopi bon entendimento caminda cu pagonan online, lo bay un tiki mas lihe, lo wordo procesa un tiki mas lihe na Departamento di Impuesto y lo ta un tiki mas preciso. Ta hopi satisfecho cu e proceso eynan tambe y pronto lo por cuminsa lansa nan campaña, hunto cu e banconan di marketing pa loke ta e pagonan online.
Taylor made
Por ta online lo wordo cambia. E ta bay bira un tiki mas taylor made. Un tiki mas specifico pa e pagonan di impuesto cu por wordo haci via online banking, caminda cu e cliente por bay mira ki tipo di impuesto e por paga. Si ta loonbelasting, si ta winst belasting, si ta e premiesnan, BBO, e ta bay haya un dropdown, caminda cu e lo por scoge e tipo di belasting cu e ta bay paga. Persoonsnummer mester wordo yena, betalingskenmerk tin cu wordo yena y e suma cu tin cu wordo paga. E ta facilita e proceso di pago y tambe e cliente por mira riba su statement un tiki mas specifico, kico tur el a paga na belasting dienst.
Duracion di pago
Gomez-Pieters, a splica cu e cambio aki lo yuda definitivamente en e reconciliation di e transacionnan di Departamento di Impuesto. Hopi biaha clientenan ta lubida persoonsnummer of ta djis pone un suma, of tin fout den e numbernan cu nan ta yena y esey ta duna toch un tiki mas dificultad pa por reconcile. Naturalmente ta tuma contacto cu e banco y cliente pa por verifica kico a wordo paga. Den e caso aki tin diferente punto caminda cu ta controla e pago. Tin combinacion di persoonsnummer, betalingskenmerk, belastingmiddel, cual ta e impuesto cu e cliente kier paga y e suma. Tin diferente componente den e online payment system cu por bay controla riba dje pa wak si esaki ta e pago cu e cliente kier a haci. Muy pronto lo mira cu esaki tambe lo wordo ehecuta, cu lo duna un extra servicio na e cliente y lo facilita tambe e clientenan pa paga online. Esey ta loke kier stimula na final cu un hende den su ambiente na cas, sin tin cu sali bay departamento di impuesto, por cumpli cu su debernan fiscal y cumpli cu su pagonan.
Banco
A sinta cu tur banco comercial. Departamento di Impuesto ta satisfecho cu e cooperacion cu a haya. Tecnologia ta bay hopi leu awendia. Como departamento, nan ta hopi interesa den e cambio riba e tereno aki, caminda cu bo ta wak na otro paisnan cu pagonan por wordo haci via app of via telefon, sin cu bo tin cu bay na e departamento mes pa haci pago. Ta cosnan cu den futuro kier mira.
