Diamars pa 7:10am dos cacho brabo a ataca un ciclista na Noord Cura Cabai. E ciclista tabata bin for di direccion di JR Auto Center y na dado momento e cachonan a sali core su tras.
El a bisa cu na diferente ocacion e cachonan ta core su tras, pero e biaha aki nan a logra bent’e abou. Na luga cu e ciclista masculino pone atencion riba caminda, e mester a mira y percura p’e cachonan no mord’e. Consecuentemente el a bay dal contra un cura di cas. El a lanta for di suela, pero e cachonan a keda purba atac’e y tabata busca pa mord’e.
Polis a presenta na e sitio pa haya mas informacion di loke a pasa. E ciclista tabata keha di dolor na cara y a pidi presencia di ambulance. Na yegada e paramediconan a controla e ciclista.
