Den pito di marduga polis di diferente districto a yega Bushiribana pa pone un paro na e offroad tumando luga patras di nos isla.
Esaki tabata diasabra marduga, den careda di 3:00 am, den area di Bushiribana. Akinan tabatin un algomeracion grandi di auto formando parti di un offroad.
Segun por a compronde cu tabata trata di un candidad di por lo menos 80 auto y cada un cu varios ocupante aden.
Na yegada, un of mas patruya a ricibi daño na nan vehiculo ocasiona pa obheto tira den nan direccion.
Esaki no a stroba nan di yega sitio y cuminsa duna ordo pa tur auto bandona e area di Bushiribana.
Tur hende a bandona e area y no tabatin niun resistencia cu por a conduci na un of otro confrontacion. Polis di su banda lo sigui monitoria e ruta por si acaso e actividad aki busca manera pa continua.
