Directora di Biblioteca Nacional do Aruba, Astrid Britten a entrega e buki artistico ‘Maternidad’ na ‘Susanita la bella’ di Aruba Experience pa hende por mira den e futuro Mini-Museo di Rancho. Den celebracion di 200 aña di Oranjestad e mini museo lo habri Dia Di Betico. Pintura di Betico cu Gustave Nouel-Croes a pinta, combina cu celebracion di 200 aña di Oranjestad, lo ta un homenahe na Betico!!
Na december 2023, a entrega e buki ‘Maternidad’ tambe na CEO di KIT(Koninklijk Instituut voor de Tropen), na Wereldmuseum di Amsterdam (ex-Tropenmuseum), caminda e buki den e cuater lenga mas papia na Aruba, di un escritora di Rancho, a ser poni na entrada di e EXPO ”Maternidad”. Asina promocionando nos Papiamento (revisa pa Ramon Todd Dandaré)
Cu apoyo di ATA, lo presenta e buki ‘”Maternidad”’ na Aruba na mei 2024, Dia di Mama, na Biblioteca Nacional di Aruba (NBA). Tur esunnan cu kier colabora cu Aruba Experience y/o e mini-museo, cu henter sector cultural, esaki ta posibel.
![](https://24ora.com/wp-content/uploads/2024/01/image_50737409-1920x1440.jpg)
Tambe lo tin presentacion di ”Maternidad” den Museo Terramar di Bonaire y despues na Sint Maarten, colaborando cu nan Departamento di Cultura. Tambe CCC (Centro Cultural Curaçao) a mustra interes, pero pa falta di fondo, no tin siguridad ainda. Como parti di e proyecto ‘Maternidad’, modelo, actriz y escritora di Rancho, Zuleika Coffie y e artista Gustave Nouel lo ofrece tayernan, pa comparti nan arte cu hende interesa.
Buki ‘Maternidad” di escritora Zuleika Coffie, di Rancho, tambe lo ta disponibel pa bishitante di e Mini-Museo di Rancho mira so. Den e museo caminda lo por admira obra di arte di e prome dos artista presente den Hall of Fame di Paseo Herencia, Gustave Nouel (www.gustavenouel.nl) y di su famoso familiar tio Padu (JCWLampe).
Tambe lo tin buki y CD di ‘Padu del Caribe’. Lo por disfruta di musica di Padu, como homenaje na nos ‘Tata Cultural’. Gustave (GN) lo por sketch hende pa un prijs promocional na e Mini-Museo. Un oportunidad unico!
![](https://24ora.com/wp-content/uploads/2024/01/image_50402561-1920x1440.jpg)
Vivian Lampe (yiu di Padu) y su casa Victor Samuel (‘El Duque’) lo comparti regularmente sorpresa den e museo aki.
Tambe a invita algun artista famoso cu tin historia/relacion cu Rancho, pa participa cu un obra, como artista special invita, den exposicion di Padu y Gustave! Entre otro Mo Mohammed, Ciro Abath y Toton Quant (rip). Lo tin boter pinta di Angela Croes y di Belinda de Veer. Tambe Victor Samuel lo debuta cu un pintura curioso!
Seis luna pasa di Stanley & Clayton Brown (ARUBA.COM) hunto cu Gustave Nouel a propone y asina inspira Susanita pa crea e Mini-Museo cu Gustave y su tio Padu (Tata di nos Cultura!). E mini-Museo ta un regalo di ‘Susanita la bella’ (arubaexperience.com) pa pueblo Arubano disfruta y educa su mes mas tocante su herencia. Tambe pa ofrece nos turista un experencia unico, den un di e barionan monumental mas historico y neglisha di Aruba. Na stichting Rancho, Clifford Rosa, ‘motor di Rancho’, tambe tin un sala di exposicion cu por aporta na e proposito aki.
![](https://24ora.com/wp-content/uploads/2024/01/IMG_6437.jpeg)
![](https://24ora.com/wp-content/uploads/2024/01/image_67181057-1080x1440.jpg)
![](https://24ora.com/wp-content/uploads/2024/01/image_67212033-1080x1440.jpg)
Gustave, Stanley y Clayton Brown ta purba desaroja iniciativa, no solamente pa e Mini-Museo di Rancho demostra su derecho di existencia, un prome paso hopi importante, pero tambe pa juda cu Museo Cas Padu y stimula/realisa museo mas grandi pa tur artista reconoci tanto defunto como artista grandi (prome cu nan muri), por comparti nan Arte na Aruba.
Pa e soño aki bira realidad, lo tin mester di apoyo tanto di sector comercial como di sector cultural y turistico. Apertura oficial di e mini-museo di Rancho lo ta dia 25 di januari pa 6:00pm na Ranchostraat 12-14.
![](https://24ora.com/wp-content/uploads/2024/01/image_123650291.jpg)
![](https://24ora.com/wp-content/uploads/2024/01/image_50402817-1920x1440.jpg)
![](https://24ora.com/wp-content/uploads/2024/01/image_50378497-1920x1440.jpg)