Dia 4 di juli aki, Bucuti & Tara Beach Resort, e prome y unico resort certifica Carbon Neutral den Caribe, ta prepara pa fascina su huespednan cu un show di drone extraordinario y unico opera door di Drone Shows Aruba, e unico compania di show di drone na Aruba. Esaki ta un demostracion innovativo y amigabel pa medio ambiente cu lo ofrece un alternativa riba klapchi tradicional, resaltando e compromiso constante di e resort pa sostenibilidad ambiental.
Un Compromiso di decenas na Sostenibilidad
Pa mas di tres decada, como un pionero y ehempel di turismo sostenibel internacionalmente Bucuti & Tara Beach Resort a elimina e uso di klapchi pa proteha e ecosistema local. E show di drone di e aña aki ta un testimonio di e compromiso firme di e resort p’e practicanan amigabel pa medio ambiente, oferciendo un experiencia visual fascinante cu ta honra naturalesa.
Klapchi tradicional, aunke visualmente impresionante, ta presenta riesgo ambiental. Nan ta libera kimico malo y metal pisa den e aire, cu por contamina tera y fuente di awa. Ademas, e explosion fuerte ta un disturbio p’e animalnan, causando nan stress y desorientacion. Door di scohe pa un show di drone, Bucuti & Tara Beach Resort ta elimina e peligronan aki, ofreciendo un demonstracion igualmente captivante sin pone e medio ambiente na peliger.
“Nos dedicacion pa proteha medio ambiente semper ta den e centro di nos operacionnan”, Ewald Biemans, doño di Bucuti & Tara Beach Resort, a bisa. “Introduci un show di drone ta un testimonio di nos compromiso pa sostenibilidad, permitiendo nos pa celebra e ocasionnan special di un manera cu ta respeta y preserva e beyesa natural di Aruba.”
Experiencia Exclusivo na Elements Restaurant
E show di drone lo ilumina shelo 8:30 pm riba 4 di juli. E huespednan di e resort y e bishitantenan externo ta invita pa haci e experiencia aki mas memorabel cu e opcionnan di come exclusivo na e restaurant famoso y internacionalmente aclama pa adulto so, Elements Restaurant. Scoge for di:
· Cena Riba Elements Su Dek: Gosa di un cena delicioso a-la-carte cu un bista perfecto di e show di drone y haña un glas complimentario di Veuve Ambal Crémant de Bourgogne.
· Experiencia Di Loveseat Priva Riba Beach: Pa $70 pa pareha, saboria un botter di Veuve Ambal Crémant de Bourgogne y canapés den un ambiente intimo.
Ambos opcion tin un punto di bista excelente pa e show di drone mientras cu nan ta mantene e concepto trankil pa adulto so, manteniendo un ambiente sereno y sofistica. Ta rekeri reservacion pa motibo di disponibilidad limita.
“Nos ta emociona pa comparti e experiencia excepcional aki cu nos huespednan y bishitantenan,” Biemans a agrega. “Celebra Dia di Independencia di Merca di un forma cu ta alinea cu nos balornan y nos dedicacion na sostenibilidad ta algo cu nos ta hopi orguyoso di dje.”
