Diadomingo mainta, desde 11:00 am, e ekipo di futbol di Britannia a tene su parada di victoria. E directiva a organisa esaki pa celebra con e aña a bay di e ekiponan di Division Honor, U-17, U-15, U-13 plata, U-13 subcampeon, dama, U-20 y U-11.
Nan a tene e parada aki cu tur e hungadonan p’asina mustra con orguyoso nan ta cu e resultado di futbol campeonato 2023-2024 den tur categoria. Cu dushi ambiente musical, e hungadonan tabata riba trailer pa disfruta y mustra nan alegria.
No ta e hungadonan so a disfruta di e parada, pero e mayornan, famia, e fanaticada tambe a forma parti di e parada di victoria, unda a decora auto y pasa e ruta. Nan a pasa den diferente caminda rond nos isla, unda cu banda di caminda tabatin para mas fanatico.
