Autoridad a presenta cu urgencia Bucutiweg pa un persona cu tabata yegando den boto y no tabata duna señal di bida. Mesora a mobilisa tanto polis como ambulance na e sitio.
Esaki a sosode den careda di 10:00 am na un pier poco pariba di Varadero, na Bucutiweg. E boto Sea Queen (A-1566) a drenta aden cu persona abordo confrontando problema serio y tabata teme cu e no tabata na bida mas. E paramediconan di ambulance a drenta mesora den accion y cuminsa esfuerso di reanimacion pero esaki no a duna resultado mas. E persona lamentablemente a fayece.
No tin confirmacion ainda di ken esaki lo tabata, e ta un persona masculino y di bishita riba nos isla como turista. Un rato despues funeraria a presenta como cu a constata morto na sitio. Investigacion lo saca afo kico a tuma luga riba lama of den awa, como cu ta trata di un compania di buceo.
Palabra di condolencia ta bay na famia di e fayecido.
