A bira obvio cu e gobierno y muy particular minister Arends, tin un problema serio y un falta di vision den trece un solucion pa alivia e habitantenan di Parkietenbos. Minister Arends ta uza e mesun scenario cu su amo Premier Wever-Croes a uza pa entrega nos autonomia na Hulanda. Premier Wever-Croes a haci comosifuera ta duna e pueblo un supuesto bos den e deliberacion cu Hulanda.
Minister Arends ta start cu un programa di public relations (PR) unda supuestamente ta duna e pueblo e oportunidad pa yuda busca un alternativa duradero y realisabel den maneho di desperdicio. E fanaticonan lo uza como defensa pa ignorancia di minister Arends cu e problema di dump ta grandi. Tambe lo por bisa cu e ta hoben den politica cu poco experencia, pero eherce trabou di minister ta exigi un preparacion formal, un vision den maneho di nos pais y sigur no ta un on the job training.
Tin evidencia sinenmbargo cu ta mustra cu minister Arends tin un di dos amo den persona di Otmar Oduber, pasobra e ta sigui e mesun scenario implementa pa Otmar Oduber den pasado. Si tuma tempo pa lesa y mira e videoclipnan caro cu a traha pa un compania amigo di e gobierno aki, un bes por saca afo cu ta un manipulacion ta sosede atrobe. Por ehempel: den e plachi riba hazardous waste ta bisa cu e incinerator ta kima e medical waste, ta haci comosifuera cu esey ta sosode diariamente. Nos a mustra cu esaki no ta berdad! Pero recientemente a core benta e desperdicio medico (medical waste) den e incinerator chikito. Pues un otro manipulacion!
Dicon mester manipula?
Den e videoclip riba e incinerator ta mustra cu ora cu logra pone e incinerator traha (pa un rato) ta mustra cu e no ta saca huma. Recientemente a sali den diferente medio di comunicacion con huma ta sali ora cu e incinerator chikito aki ta traha!.
Dicon atrobe ta manipula asina?
Ta ken ta conseha e minister aki pa manipula pueblo? E relacionista publico (PR) di gobierno Aldrick Croes? Interesante lo
ta pa pueblo sa prome cu dia 22 di maart ken ta den e panel cu ta consisti di 12 panelista. Esaki lo ta e hendenan, handpicked, pa e minister cu e por uza nan como harlequin? Manera a bisa caba, cu e pitch aki ta nada menos pa pone nos Ley di Comtabilidad un banda djis pa percura cu un happy few cash a lot of money from trash! E tipo di sjoemel aki nos a custumbra caba, unda algun director y prome consehero ta scohe pa coopera activamente den e bagamunderianan aki. Y ta parce cu atrobe nobody cares! Pio cu te hasta ministerio publico no ta worry! Pa colmo e minister aki ta keda defende e porkerianan aki.
Ta di spera cu esunnan den e panel aki, ta esnan cu mester di e minister pa sigui cu su contract di PR of un consultancy contract of cualkier tipo di hushmoney? E escogencia di e panelistanan mester sosode na un manera habri y no por medio di un carta cu e minister ta manda pa “su” hendenan cu lo huzga djis pa tene e minister concerni contento.
Kico ta e criterianan obhetivo pa apunta e panelistanan?
Natte vingerwerk? Esaki absolutamente NO ta transparente! Consequentemente esaki NO ta INTEGRO tampoco! Duna tempo tempo. Na 2018 nos a adverti pero ningun hende kier a tende, wel ata nos awe, un Serlimar desangrando y candela casi tur dia na Parkietenbos. Despues di diamars e pueblo lo ta asota cu hopi potret bunita pa un biaha mas manipula mescos cu nos conoce desde fin di 2009! Tur esaki pa pone man riba cabes di Otmar Oduber cu den e compra di e incinerator chikito a comete por ehempel: abuso di poder y corupcion administrativo pa asina ey faborece su sponsor.
Ta p’esey pueblo por mira un videoclip na unda Henriquez ta bin pretende cu e incinerator aki ta un state of the art! Esaki cu e unico proposito pa tapa e corupcion y pa despues yena Parkietenbos cu e incineratornan aki. Henter e procedura aki ta pone mi pensa riba e deal misterioso di LNG. Pues yen di secrecia. Den e caso aki tambe ta handpick e pitchers pa haci propaganda pa nan producto den un videoclip pa diamars den un sala decora luhoso pa e pitchernan aki pitch nan trash pa despues nan por cash in. Y e panelistanan cu tambe ta wordo handpicked lo t’ey pa sinta manera e fanaticonan den e sala pa bati man.
Loke ta muestra di e joke di e minister na unda e ta pretende cu e evento lo ta porta cera. Usando e pretexto cu esaki ta pa motibo pa proteha e derecho intelectual di loke e pitchernan a presenta! Ta ken minister Arends kier tuma haci?
E technologia cu a presenta no ta riba e propaganda pa trash2cash? E ora ta cual derecho kier proteha y kico tin di sconde tras di e evento porta cera e ora? Of no kier bisa nada di e forma con a yega na e panelistanan? Tur e joke aki ta solamente y unicamente pa logra pa sigui cu e corupcion cu tabata tin tempo di Otmar Oduber y cu lo sigui.
Despues lo bay parlamento pa vota na fabor mescos den e deal di LNG cu ningun hende haya pa lesa como ta pay back time! Esaki ta TRANSPARENCIA! Tur e payasada aki den un bachi hopi catchy. Ta asina nos ta keda guli manda abow? ARUBA, UNDA NOS TA BAY?
