Na Ayo den oranan di marduga pasa di 4or a pidi presencia di varios unidad di emergencia pa bin duna asistencia. A bati alarma pasobra tin un persona sera den cas cu ta malo.
E unidad di Bombero a presenta pa asina kibra y traha entrada pa e Paramediconan di Ambulance. E ambulance tambe tabata tey. Prome cu kibra y haci entrada, e presencia di Polis tabata necesario.
Asina cu Polis a yega y den nan presencia a forsa e entrada pa drenta e cas. A bin topa cu un Hulandes Europeo den e cas y e tabata malo. A dune yudansa mesora y hibe Hospital. Tur cos ta mustra cu ta su so ta bibando.
