Diamars durante dia a tuma luga un charla na Universidad na Aruba, unda cu e Famia Real tabata invita. Tabatin diferente studiante, docente y tambe rectorado di e Universidad mes presente, compañando Su Mahestad Rey Willem-Alexander, Su Mahestad Reina Maxima y Su Altesa Real Prinses Amalia den aula.
Leonardo Figaroa ta atende Universidad di Aruba studiando Bachelor 2 di Facultad di Ley y a indica cu a haya un College (un les) riba e topico di e principionan di concordancia cual ta articulo 39 di nos Statuut, cu ta bisa cu “nos tin un statuut y e islanan den reino mester crea ordenansa nacional, cual ta mesun cos cu e leynan Hulandes.”
Den e preparacion dje les, Figaroa a comparti cu secretario di estado y tambe e Famia Real cu awo cu nan ta haya nan mes den un situacion cu nan ta bishita diferente isla, nan lo realisa cu tur isla tin un identidad y cultura diferente. Pero e retonan ta mesun cos y si kier logra mas cooperacion (traha mas hunto), ta importante pa compronde cu cada isla tin un cultura y identidad y cu mester busca e solucionnan ey den e diversificacion ey den e culturanan den reino.
Jayle-anne Kross cu tambe ta studiando Bachelor 2 di Facultad di Ley, a splica di su banda cu esaki tabata un experiencia hopi bunita, algo cu nan como studiante por a siña y tambe aplica loke nan a haya den e Colleges caba, den e lesnan di Staats & Bestuursrecht.
Tabata hopi bunita pa mira tambe e Famia Real.
