Diamars ultimo, dia 19 di december 2023, a tuma luga un ceremonia y entrega di certificado na un grupo di cursista cu exitosamente a finalisa e curso di Declarant di Aduana.
Den presencia di Minister di Finansa y Cultura,, director di Departamento di Aduana, director ATIA, hoofd di e curso declarant, secretaria di e curso, y docentenan a haci entrega di certificado na e 23 cursistanan di e 32 cu a cuminsa e curso na luna di augustus.
Den e grupo aki, Roberto Ras di DHL Courier Services tabata e mihor graduado di e curso y na segundo lugar tabata Chanella Vrolijk di Interport Logistics Aruba. Esaki tabata e di seis curso cu Aduana y ATIA a organisa pa brokers y importadornan.
Departamento di Aduana y ATIA ta felicita cada un di e cursistanan aki y ta deseanan exito den nan carera.
