Diaranson a tuma luga na Don Nicolas Restaurant di Riu Palace un tayer cu e hotel a organisa pa e trahadonan di e restaurant.
Juan Alberto Rosario, General Manager di e restaurant a indica cu e tayer tabata pa revisa e calidad pa e huesped nan, locual cu nan ta haci tur dia. E idea di e tayer tabata pa e personal ta mas enfoca riba e calidad cu e restaurant ta brinda na nan huesped nan.
E tayer aki a tin un duracion di seis dia y ta consisti di binti persona. Motibo di esaki ta pa asina e empleado por enfoca pa termina e curso c’un bon resultado. E curso ta sigui pa asina tur e empleadonan, cu ta un total di 104 persona, por forma parti na e tayer. A cuminsa cu 20 prome, door cu e grupo di empleado ta hopi grandi.
Den e tayer lo trata varios area di servicio, manera Customer Service, colegialidad entre e mesun empleadonan, es decir tur loke ta encera e area di servicio.
Mas aleu, Rosario a indica cu e aña, Riu Palace tin planea pa ofrece diferente curso, pa Supervisor, e Sommelier, etc. Tur esaki pa asina e empleadonan por sigui upgrade nan mes den nan trabou, pa duna un bon servicio na nan clientenan.
El a gradici nan General Manager, Maria Dominguez, cu ta un gran impulsador rib’e tereno aki, tambe Tistan Randolph y Edgard Corner, cu ta duan apoyo na tur e empleadonan pa asina nan por sigui mehora den nan servicio na cliente y asina tambe tene nan huespednan contento.
